Que significa ter esperanza en tempos difíciles? A esperanza é algo máis que un sentimento; non é simplemente ser sempre optimista, ou ter unha “actitude positiva”. As Escrituras ofrécennos unha comprensión da esperanza moito máis sólida. A esperanza cristiá ten forza, aguante e propósito, e Deus é a súa fonte.
Deus, “segundo a súa gran misericordia, fíxonos renacer a unha esperanza viva” (1 Ped. 1:3)¹. E é o noso “Deus de esperanza” o que permite que “rebordedes na esperanza pola forza do Espírito Santo” (Rom. 15:13). Esta realidade non é certa só nos bos tempos; de feito, é nos tempos escuros e difíciles cando a esperanza demostra de verdade o seu valor.
Como escribe Jay Y. Kim en “A Esperanza é un Salto Expectante”,
Así é a esperanza cristiá. Non ignora o medo, a ansiedade e a dúbida; failles fronte. Mantense firme, aferrándose á paz no medio do caos. A través das moitas tormentas traizoeiras da vida... A esperanza cristiá está fortalecida por algo máis grande que aconteceu e algo máis grande que volverá acontecer.
O proxecto de Advento 2020 de CT explora o tema da esperanza tal como se vai tecendo ao longo da historia bíblica. Nestas lecturas devocionais diarias reflexionaremos sobre a esperanza do pobo de Deus no Antigo Testamento e como confiaban plenamente en Deus durante as dificultades e as penurias [Semana 1]. Veremos profecías e promesas de esperanza que apuntaban cara ao Primeiro Advento: a vinda do Mesías [Semana 2]. Contemplaremos o milagre de esperanza que irrompeu na Encarnación, cando “a Palabra se fixo carne, e plantou entre nós a súa tenda” como unha criatura envurullada e deitada nunha manxadoira (Xoán 1:14; Lucas 2:12). E reflexionaremos sobre a nosa esperanza na futura vinda de Cristo –o Segundo Advento que agardamos– que nos dá aguante, confianza e alegría na nosa vida diaria, sen importar as dificultades que poidamos afrontar [Semana 3 e 4].
Esta é a nosa "esperanza viva" ou, como consta na New Living Translation, a nosa "grande expectativa". A nosa esperanza está motivada pola nosa expectativa confiada de que o neno que naceu volverá algún día en gloria para enderezar tódalas cousas, e o seu reino non terá fin.
Kelli B.Trujillo, Editora
¹N. do T. : Tódalas referencias bíblicas, agás que se indique o contrario, están extraídas de A Biblia, ed. SEPT. Neste caso, o versículo 3 está traducido da RV60 por empregarse nela a expresión “unha esperanza viva”.
Tradución: Rubén Acuña Fernández
[ This article is also available in English, español, Português, Français, 简体中文, 한국어, Indonesian, and 繁體中文. See all of our Galician (Galego) coverage. ]
Boletín gratuíto
Annual & Monthly subscriptions available.
- Print & Digital Issues of CT magazine
- Complete access to every article on ChristianityToday.com
- Unlimited access to 65+ years of CT’s online archives
- Member-only special issues
- Learn more
Read These Next
- TrendingAmerican Christians Should Stand with Israel under AttackWhile we pray for peace, we need moral clarity about this war.Russell Moore
- From the MagazineCharisma and Its CompanionsChurch movements need magnetic leaders. But the best leaders need more than charm.Emanuel Prinz and Gene Daniels
- Editor's PickIndia’s Christians Brace for 2024 Election ResultsChurch leaders mobilized prayer for parliament and state elections, knowing the question wasn’t whether Hindu nationalists would win but the size of their mandate.Surinder Kaur Lal
Advento: Esperanza Viva
- Sections
The Magazine
Special Sections
Topics & People
Help & Info